SINAGOT ni Sen. Win Gatchalian ang naging pahayag ni Sen. Loren Legarda patungkol sa umano’y “illegal”ang naging quorum nilang 12 senators noong June 3, 2026.
Matatandaang nag-post ng official statement si Legarda sa kanyang Facebook page kung saan iginiit niyang ilegal ang quorum at nananatili siyang Senate Pro Tempore.
Kaya naman sa naging panayam ni Gatchalian sa media ngayong araw, June 6, sinabi niyang nirerespeto niya ang pahayag ni Loren pero idiniin niya na matibay rin ang naging pagpabor ng Integrated Bar of the Philippines (IBP) sa ikinasa nilang quorum.
“Of course, we respect her opinion but matibay din ang opinyon ng Integrated Bar of the Philippines.
Baka Bet Mo: Win Gatchalian kay Cayetano: Hindi hearing ‘yon kundi gathering
“‘Yong association ng mga law school deans,” saad ni Gatchalian.
Maging ang mga nagdaang Senate presidents ay nagsalita nacrin kaugnay ng naganay na quorum sa pamamagitan lang 12 na mga senador.
Aniya, mas mabigat pa rin para sa kanya ang mga pahayag at opinyon ng IBP kaysa saxpahayag ni Legarda.
“Para sa akin, in my personal opinion, mas mabigat ‘yong opinyon nila dahil ‘yong mga ganitong bagay, pinag-aaralan natin,” sabi pa no Gatchalian.
Matatandaang nauna nang naglabas ng pahayag ang IBP Board of Governors noong June 4 upang linawin ang usapin ng quorum sa Senado sa gitna ng nagpapatuloy na tensyon kaugnay ng pagpapalit ng liderato at committee heads ng Mataas na Kapulungan ng Kongreso.
The post Win Gatchalian nirerespeto si Loren Legarda; mas matibay opinyon ng IBP appeared first on Bandera.
Article origin: https://bandera.inquirer.net/447459/win-gatchalian-nirerespeto-si-loren-legarda-mas-matibay-opinyon-ng-ibp
Original author: esantiago
