NIRESBAKAN ng 14-anyos na model-content creator na si Sofia Alizee Schafers ang mga bastos na netizens na nagbigay ng malisya sa video nila ni Wally Bayola.
Pinatulan ni Sofia, na mas kilala sa social media bilang si “Ilokanang Tisay,” ang malilisyosong komento ng sa ipinost niyang shoutout video kasama ang comedian at “Eat Bulaga” Dabarkads.
Makikita sa naturang video clip si Wally na pumayag magbigay ng mensahe para sa mga followers at fans ni Sofia na isa ring aspiring actress.
“Dabarkads, naku nakilala namin, napakabait na bata. I-follow n’yo po. Huwag n’yong kakalimutan, i-follow n’yo! Sofia Alizee. Follow, subscribe and everything!” ang pagsuporta ni Wally sa menor de edad na vlogger.
Marami kaming positive comments na nabasa sa post ni Sofia pero may mga socmed users din ang nag-post ng bastos na komento kung saan muling naungkat ang kontrobersiyang kinasangkutan noon ni Wally.
Sa kanyang social media account mababasa ang bwelta ni Sofia sa mga bashers at haters. Aniya, “His reputation is not my responsibility. Sarili kong pangalan ang dala ko. Keep my name out of your assumptions.”
Pagpapatuloy ng dalagita, “Just to remind you all that I am only 14 yrs old! and the comments are like… Wow really?
“Some of y’all are way too comfortable judging people without knowing the facts. I’m not even related to this guy, so stop making assumptions,” dagdag ng vlogger.
“If you can’t be respectful, at least be quiet. Kindness costs nothing, but ignorance is expensive,” ani Sofia.
Wala rin daw balak si Sofia na tanggalin ang video nila ni Wally sa socmed, “Anyways, your opinion is noted. My video remains posted.”
Nag-post din si Sofia ng mensahe para ipagtanggol si Wally sa pambabatikos ng bashers. Wala raw ginawang masama ang komedyante sa kanya para bastusin ng kung sinu-sino.
“Actually, Sir Wally is so nice to me. He even told me na kahit mag-artista ako, wag ko daw i-give up ang studies ko. My biggest achievement will be my diploma at education ko. Tapos kayo puro kayo intriga at bash. Hay naku,” ani Sofia.
Kung matatandaan, naging usap-usapan si Wally noong 2013 nang kumalat sa social media ang umano’y private video nila ng isa sa mga miyembro ng EB Babes.
Habang isinusulat ang balitang ito ay wala pang reaksiyon o anumang pahayag ang kampo ni Wally hinggil sa isyu.
The post Wally Bayola ipinagtanggol ng 14-anyos na model sa bastos na bashers appeared first on Bandera.
Article origin: https://bandera.inquirer.net/450112/wally-bayola-ipinagtanggol-ng-14-anyos-na-model-sa-bastos-na-bashers
Original author: pdelrosario
