MASAYANG ibinahagi ng Kapuso artist na si Shuvee Etrata ang kanyang perang napanalunan sa isang restroom attendant.
Ibinandera ng chemist-philanthropist na si Pinky Tobiano ang ginawang kabutihan ng dalaga sa pamamagitan ng kanyang Instagram stories.
Dumalo kasi si Shuvee sa birthday celebration ng chemist-philanthropist kung saan nanalo siya ng P20,000 sa isang palaro sa naturang event.
Sa halip na itabi ang buong halaga, nagpasya ang aktres na ibigay ang kalahati ng kanyang napanalunan sa isang cleaning lady na nagtatrabaho sa venue matapos niyang makitang umiiyak ito sa loob ng restroom.
Baka Bet Mo: Shuvee Etrata napagtapos ang kapatid sa kolehiyo: ‘1 down, 7 more to go!’
“Grabe!! The heart of gold of Shuvee.. She won ₱20,000 last night and she gave ₱10,000.00 to the cleaning lady of the toilet of Manila House (she found the cleaning lady crying in the toilet),” saad ni Pinky sa kanyang IG stoey kalakip ang larawan nila ng dalaga.
Hindi na isiniwalat ni Pinky ang dahilan kung bakit umiiyak ang restroom attendant.
Marami naman sa mga netizens ang pumuri sa kabutihang loob ni Shuvee.
May ilan na nagsasabing hindi lang sa kanyang pamilya mabuti ang dalaga bagkus sa lahat ng tao.
“Another day, another proof of how generous Shuvee is. She won 20k and gave half of it to a cleaning lady she saw crying in the restroom. So proud of her kind heart, her success has never changed the way she cares for others,” saad ng isang faney sa X.
Dagdag pa ng isa, “The lady that you are, that’s why you are blessed a thousand folds.”
The post Shuvee Etrata nagbigay ng P10k sa restroom attendant appeared first on Bandera.
Article origin: https://bandera.inquirer.net/450999/shuvee-etrata-nagbigay-ng-p10k-sa-restroom-attendant
Original author: pdelrosario
