MARAMI ang nagpaabot ng mensahe, dasal, at suporta para sa content creator na si Ser Geybin o si Gavin Capinpin sa totoong buhay.
Ito ay matapos ibahagi ng kanyang mga kapatid, pinsan, at kasintahan na may pinagdaraanan ang vlogger kaya hindi ito nakikita sa kanilang mga vlogs.
Ang mga gumugulo sa kanyang isip at ang pressure para itaguyod ang kanilang pamilya matapos mamatay ang kanilang ama ay nagresulta ng pagkakaospital ni Ser Geybin kamakailan.
Base sa mga nurse na tumingin sa kaniya, nakaranas umano ang binata ng hyperventilation dahil sa kakulangan ng carbon dioxide sa katawan. Isinagawq rin ang ilan pang mga tests para malaman ang tunay na lagay niya.
Baka Bet Mo: Content creator Ser Geybin nanigas ang katawan, tumirik mga mata; isinugod sa ospital
Matapos ilabas ang vlog ay marami sa mga sumusuporta kay Ser Geybin ang nagpaabot ng kanilang mensahe at dasal na sana’y malagpasan nito ang kanyang dinadala.
“A gentle reminder to be kind to your eldest brother, kasi walang kuya si kuya,” saad ng isang netizen.
Comment naman ng isa, “Yung pressure as a leader sa camp and sa family and yung pressure as a boyfriend andun. Ramdam na ramdam niya [Ser Geybin]. Pahinga lang bounce back. Di mo kelangan maging malakas all the time kelangan mo lang is time para magpahinga and tignan mo ang paligid mo. Di purket nakatingin ka sa dulo di mo na titignan yung nasa paligid mo. Hinga lang. Laban. Kasama sa hamon ng buhay yan. God bless. Bounce back!”
“This is a gentle reminder that no matter how successful, wealthy, or influential a person becomes, tao pa rin tayo at may hangganan din ang ating kakayahan. Minsan, anxiety comes when we carry burdens that were never meant for us to carry alone, especially when we feel like we need to control everything and be strong for everyone,” hirit naman ng isa.
Marami ring mga breadwinners ang tila naka-relate sa nararamdamang bigat ni Ser Geybin na gumawa ng mga paraan para mapagaan at mapaganda ang buhay ng kanilang pamilya.
The post Ser Geybin inulan ng mensahe, netizens relate sa pagod ng breadwinners appeared first on Bandera.
Article origin: https://bandera.inquirer.net/447353/ser-geybin-inulan-ng-mensahe-netizens-relate-sa-pagod-ng-breadwinners
Original author: pdelrosario
