NAGING bukas ang mag-asawang sina Rob Sy at Belle Bacosa patungkol sa kanilang pinagdaanan matapos ang isinampang kaso nina Alfred Vargas at Yasmine Espiritu laban sa kanila.
Ito ay may kaugnayan sa diumano’y pambu-bully raw ng anak nila sa anak ng actor-politician.
Sa vlog ni Ogie Diaz, naging matapang sina Belle at Rob sa pagkukuwento ng kanilang panig matapos ibasura nv korte ang reklamo nina Alfred ar Yasmine.
Pakiramdam nilang mag-asawa, parang personal na ang atake sa kanila gayong hindi naman sila malaking tao at normal lang na mamamayang nagtatrabaho para maitaguyod ang pamilya.
Baka Bet Mo: Kasong isinampa ni Alfred Vargas laban kay Rob Sy ibinasura ng korte
“Grabe ‘yung mga atake. Sinasabi ko nga kay Belle na ‘yung mga atake sa atin, hayaan na natin. Nandoon na ‘yun eh,” saad ni Rob.
Pero ibang usapan na raw kapag ang anak na ang naaapektuhan sa mga atake.
Kuwento ni Rob, maraming natatanggap na mensahe ang natatanggap ng anak na talagang nakakaapekto na rito.
Bukod pa rito, hindi na kailanman mawawala sa social media ang mga sinabi nilang masasakit na salita.
“Wala nga kasing kinalaman dito ‘yung bullying. Na-drag ‘yung anak ko sa sitwasyon na ito na walang kinalaman sa bullying dahil hindi nga nambully ang anak ko pero bakit pinu-push na nag-bully? Ano bang agenda dito? Of all people bakit pamilya ko pa?” sey ni Rob.
Kaya nga napapaisip sila kung may hindi ba pagkakaunawaan na nangyari gayong magkumare pala sina Belle at Yasmine.
“‘Yun ang pinakamasakit kasi ‘yung respeto namin sa kanila, sobra. ‘Yung loyalty, sobra,” dagdag pa ni Rob.
Sa katunayan, ikinampanya pala ni Belle sa nagdaang eleksyon ang kampo nina Alfred.
Sa huli ay nagdesisyon na lang rin sina Rob at Belle na patawarin na lang ang pangyayari para na rin sa ikapapayapa nila lalo na’t na-dismiss na ang reklamo.
“Wala na tayong dapat patunayan. Anong hahabulin natin? Let’s just attend to our kid and forget about rverything at ipasa-Diyos na lang natin,” sabi pa ni Rob.
The post Rob Sy nanindigan para sa anak: Walang bullying na nangyari appeared first on Bandera.
Article origin: https://bandera.inquirer.net/447425/rob-sy-nanindigan-para-sa-anak-walang-bullying-na-nangyari
Original author: esantiago
