IBA’T IBA ang naging reaksyon ng madlang pipol sa pahayag ng dating ABS-CBN broadcaster at voice over artist na si Marc Logan patungkol sa “It’s Showtime.”
Nag-react kasi si Marc sa isang social media post nananawagang protektahan ang mga host ng “It’s Showtime” mula sa mga bashers at haters.
Patuloy na kinukuyog at binabatikos ngayon ng mga DDS o Diehard Duterte Supporters ang mga host ng naturang noontime show, lalo na ang Phenomenal Box-office Star na si Vice Ganda.
Ito’y kaugnay pa rin ng ginawang pagbibiro ni Vice at ni Anne Curtis sa “under attack” statement ni Senate President Alan Peter Cayetano nang magkagulo sa Senado noong May 13, 2026.
Bukod pa rito ang iba pang patutsada at pagpuna ni Vice sa mga nangyayaring katiwalian sa gobyerno kung saan sangkot ang mga politiko.
Sa isang post ng Kapamilya fan-based page na “Kapamilya TV,” humirit itong dapat daw protektahan ang mga host ng “It’s Showtime” laban sa pambabatikos ng mga bashers at trolls.
“Lord, please protect It’s Showtime host, at all costs,” ang mababasa sa naturang post.
Isa sa mga nagbigay ng reaksyon tungkol dito si Marc Logan na matagal na nagserbisyo sa ABS-CBN bago lumipat sa TV5.
Post ni Marc, “They are public figures martial law ba tayo para di sila pwedeng batikusin?”
Wala namang binanggit ang broadcaster at host kung ang pinatutungkulan niya sa kanyang post ay ang pagbibigay proteksyon sa “It’s Showtime” hosts, o ang pambebengga ni Vice sa mga politiko sa kanilang programa.
Habang isinusulat ang balitang ito ay wala pang reaksiyon o pahayag ang management o ang mga host ng “It’s Showtime” hinggil sa isyung ito.
The post Marc Logan humirit sa panawagang protektahan mga host ng ‘It’s Showtime’ appeared first on Bandera.
Article origin: https://bandera.inquirer.net/446579/marc-logan-humirit-sa-panawagang-protektahan-mga-host-ng-its-showtime
Original author: esantiago
