HINDI naitago ng “Eat Bulaga” host na si Maine Mendoza ang kanyang pagiging fangirl habang nakikipag-usap kay James Blanco sa kanilang July 28 episode.
Naganap ang nakakatuwang encounter ng dalawa sa segment na “The Age Is Right”.
Sa video na ibinahagi ng opisyal na TVJ Facebook page, sinubukan munang manatiling kalmado ni Maine habang kaharap ang aktor.
“Next ka pala, Sir James. Bati ka muna sa mga Dabarkads,” muntik pang mabulol na sabi niya habang itonatago ang kanyang hiya na makita ang aktor.
Baka Bet Mo: Maine Mendoza ‘not feeling well’ kaya absent sa b-day party ng Atayde family
Gumatong naman si Paolo at lalo pang inasar si Maine.
“Magandang tanghali sa inyo po sa inyo at siyempre, happy anniversary, Eat Bulaga! Kasing edad ko ang Eat Bulaga. Matanda lang ako ng isang buwan,” pagbati naman ni James.
Hindi nagtagal ay napangiti si Maine at napalingon sa ibang direksiyon habang patuloy siyang inaasar ng mga host dahil sa kanyang reaksiyon. Maging si Paolo ay tila nahirapan ding mapanatili ang eye contact kay James.
“Nakakailang kasi. Ang guwapo talaga ni James,” sabi pa ni Maine.
Nanatiling kalmado at nakangiti si James habang pinanonood ang reaksiyon ng dalawang host. Sa halip na maging awkward ang sitwasyon, nakisabay ang aktor sa kanilang magaan at masayang biruan.
“Parang hindi ka naman tumatanda,” papuri pa ni Maine kay James.
Nagdagdag pa ng katatawanan sa eksena ang kaparehong reaksiyon ni Paolo. Kapwa nila hinihikayat ang isa’t isa na tumingin kay James, ngunit pareho silang nahirapang gawin ito nang hindi natatawa.
Dahil sa kanilang kilos, lalo pa silang inasar sa buong segment. Patuloy na nakangiti si Maine habang sinusubukang magpokus sa segment, kahit halatang may effect ang presensya ni James.
Samantala, mukhang komportable si James sa buong interaksiyon. Nginitian niya ang mga reaksiyon ng dalawang “Eat Bulaga” hosts at matiyaga siyang naghintay habang nakabawi ang dalawang host mula sa kanilang pagtawa.
Itinampok din ng opisyal na TVJ Facebook page ang reaksiyon ni Maine sa caption ng kanilang post.
“As a fan girl muna si Maine kay James Blanco today! ” the page wrote.
Sa hiwalay na post, inilarawan din ang naging mood ng host sa caption na, “Fan girl mode: ON!”
The post Maine Mendoza nag-fangirl, kinilig nang makita si James Blanco appeared first on Bandera.
Article origin: https://bandera.inquirer.net/451428/maine-mendoza-nag-fangirl-kinilig-nang-makita-si-james-blanco
Original author: pdelrosario
