TALAGANG hindi na mapipigilan pa ang ka-sweetan ng singer na si Kris Lawrence sa dating dyowa at ina ng kanyang anak na si Katrina Halili.
Sa kanyang Facebook page, ibinahagi ng R&B singer ang isang mala-music video nila ng Kapuso actress na kuha sa kanilang travel sa Hong Kong kasama ang kanilang anak na si Katie.
“You’re probably watching this while I’m on the plane, but I just want you to know, these past few months have been something special,” saad ni Kris.
Pagpapatuloy niya, “Getting to know you all over again has been a highlight I won’t forget.”
Baka Bet Mo: Katrina Halili, Kris Lawrence nagkabalikan na nga ba?
Amin pa ni Kris, mami-miss niya si Katrina habang wala siya sa bansa.
“And until I’m back, just know you’re on my mind,” sey ng singer.
Umani naman ng samu’t-saring komento mula sa supporters at netizens ang naturang post ni Kris.
“Muntik ko nang d mapigilan sumigaw dahil sa kilig!!! Kilig ko parang sasabog na ang puso ko,” saad ng isang netizen.
Comment naman ng isa, “bakit on your mind lang Kris Lawrence??? hindi pa ba sa heart?”
“Shessshh.. ang bilis ng comment section haha.. sana comeback is real.. a silent fan here,” sey naman ng isa.
Kasalukuyang nasa tour si Kris sa Estados Unidos at Canada.
Matatandaang noong February 2026, sinabi ng singer na bukas siya sa posibilifad na muling magkaroon ng relasyon kay Katrina kung pareho pa rin silang walang karelasyon pagkalipas ng 10 taon.
Sa isang episode ng “Fast Talk with Boy Abunda,” nagbahagi sina Kris at Katrina tungkol sa kanilang pagkakaayos matapos pagdaanan ang isang mahirap na yugto sa kanilang relasyon.
Ipinanganak ni Katrina si Katie noong 2012. Makalipas ang dalawang taon, naghiwalay sila ng R&B singer.
Noong 2023, ibinahagi ni Katrina ang kanilang co-parenting setup ni Kris at sinabing ok sila bilang magkaibigan.
The post Kris Lawrence kay Katrina Halili: You’re on my mind appeared first on Bandera.
Article origin: https://bandera.inquirer.net/448323/kris-lawrence-kay-katrina-halili-youre-on-my-mind
Original author: esantiago
