NAGBABALA si Senate Blue Ribbon Committee chairman Sen. Erwin Tulfo kay Sen. Alan Peter Cayetano na siya mismo ang bibitbit sa dating Senate president palabas ng session hall kapag muli itong nagsagawa ng SBRC hearing.
Sa inilabas na pahayag ng senador nitong Biyernes, June 5, sinabi niyang hindi siya papayag na muling magsagawq ng pekeng pagdinig sa SBRC.
Giit ni Tulfo, ipapaaresto na niya si Cayetano kapag ginawa niya uli ito.
Matatandaang nitong Huwebes, June 4, itinuloy nina Cayetano kasama ang kapatid at kapwa senador na si Pia Cayetano, at Sen. Rodante Marcoleta ang itinakda nilang pagdinig kung saan dumalo bilang resource persons sina Atty. Levito Baligod at ang 18 ex-Marines.
Baka Bet Mo: Erwin Tulfo nanindigan, kapangyarihan nagmula sa mga tao: The people are our bosses
“Hindi na po ako papayag na maghe-hearing-hearing-ngan kayo diyan at I will have you arrested,” saad ni Tulfo.
Dagdag pa niya, “I promise.”
Giit pa ni Tulfo, huwag na siyang subukan ni Cayetano dahil wala siyang paki kung gaano pa man ito katagal na nasa Senado.
“Kahit na senador ka, kahit na sinasabi mong matanda ka na, ilang taon ka na sa Senado, try me.
“Magpa-hearing ka ng Blue Ribbon ulit. Magpa-hearing ka. I don’t care kung dati kang Senate President, dati ang Speaker of the House, I don’t give up. Talagang ipapahuli kita,” sey pa ni Tulfo.
Kaya kung ayaw raw ni Cayetano na maaresto, siya mismo ang bibitbit sa huli palabas ng session hall dahil siya ang tunay na chairman ng Senate Blue Ribbon Committee.
“Kung hindi ipapahuli… bibitbitin kita, kukuwelyuhan kita, palalayasin kita sa floor na ‘yan. Because I am the legitimate Blue Ribbon chairman,” sabi pa ni Tulfo.
The post Erwin Tulfo palalayasin si Alan Peter Cayetano sa Blue Ribbon hearing appeared first on Bandera.
Article origin: https://bandera.inquirer.net/447416/erwin-tulfo-palalayasin-si-alan-peter-cayetano-sa-blue-ribbon-hearing
Original author: aarceo
