PARA kay Kapuso Primetime King Dingdong Dantes, walang dahilan para tumanggi sa isang proyektong kasing lawak at kasing lalim ng “The Master Cutter.”
Kaya naman, agad niyang tinanggap ang role bilang Atoy sa bagong action series.
Sa media conference na inorganisa ng Netflix para sa serye, personal na nasaksihan ng BANDERA ang rebelasyon ng aktor kung bakit ito ang isa sa mga proyektong hindi niya pwedeng palampasin.
Ayon kay Dingdong, bukod sa aksyon at production scale, ang pinakanagustuhan niya sa proyekto ay ang puso ng istorya na tumatalakay sa iba’t ibang klase ng relasyon sa pamilya.
Baka Bet Mo: Paolo Contis susubok maging direktor, writer: ‘Hopefully by next year!’
<iframe src="https://www.facebook.com/plugins/post.php?href=https%3A%2F%2Fwww.facebook.com%2Fbanderaphl%2Fposts%2Fpfbid06upVV7HYXcYspNYR5bDRz71YiqEaC55ed3a66yL6o1c6F1HZd6enXPpgM2YY7AHpl&show_text=true&width=500" width="500" height="250" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>“Well, I think there’s no real reason to say no if you are given such a beautiful project like this,” bungad niya.
Paliwanag pa niya, “Lalo na kasama ko ang napakahusay na cast. We were such a huge cast. One of the biggest cast yata na nakasama ko sa entire career ko. And of course, under the leadership of Direk Dominic.”
“Pero at the heart of the story, more than the spectacle and more than the action scenes that you will see ‘yung puso talaga ng kwento.
“It’s all about a modern package story. It’s all about different types of relationships,” patuloy niya.
Dagdag pa niya, “And naka-relate ako doon kasi malakas din ‘yung kwento dito about father-son story and father-daughter story. Kaya, para sa atin, it’s very, very interesting.”
Ayon pa sa kanya, malaking bagay rin ang tiwala niya sa direktor at sa creative team ng serye, kaya mas lalo siyang naengganyo na gawin ito.
Ang “The Master Cutter” ay isang action-drama series na umiikot sa karakter ni Dingdong bilang si Atoy, isang dating scout ranger na may doble life –sa umaga ay tahimik na mananahi sa Baclaran, pero sa gabi ay isang bounty hunter na humaharap sa mga delikadong misyon.
Bukod sa intense na action sequences, tampok din sa serye ang emosyonal na kwento ng pamilya, lalo na ang mga relasyong may kinalaman sa pagiging ama at anak na siyang naging malaking dahilan kung bakit tinanggap ito ni Dingdong.
Matatandaang nauna nang ipinalabas ang “The Master Cutter” sa Netflix noong May 8, tatlong araw bago ang TV premiere nito sa GMA 7, at patuloy itong umaani ng atensyon mula sa viewers sa buong Southeast Asia dahil sa kakaibang timpla ng action, drama, at family-centered storytelling.
The post Dingdong Dantes relate much sa ‘The Master Cutter’: A modern package story! appeared first on Bandera.
Article origin: https://bandera.inquirer.net/446607/dingdong-dantes-relate-much-sa-the-master-cutter-a-modern-package-story
Original author: esantiago
