NILINAW ng Kapuso actress na si Cassy Legaspi ang mga kumakalat na chika patungkol sa kasama niyang afam sa Siargao kamakailan.
Sa naging ulat ni Nelson Canlas sa “24 Oras” nitong Huwebes, June 4., nagpaliwanag ang aktres patungkol sa lalaking kasama.
Matatandaang nag-viral last month ang isang video clip kung saan makikita si Cassy na naglalakad sa Siargao kasama ang isang foreigner.
Marami ang agad na nag-isip na baka ang lalaking ito ang dyowa ng dalaga.
Baka Bet Mo: Cassy Legaspi na-diagnose ng hypothyroidism, fitness journey apektado
Chika ni Cassy, ang na-hulicam na kasama niya ay kaibigan lang niya.
First time kasi ng dalaga na magpunta sa lugar at nais niya sanang libutin at ma-enjoy ang lugar para masulit ang kanyang bakasyon.
“I’m willing to hit all the tourist spots sa Siargao because, again, I love Siargao. Sabi ko, ‘ano gagawin natin dito?’ ‘Skateboard tayo,’ ‘okay, ikaw muna,’ so my friend skateboarded first,” saad ni Cassy.
Natatawang kwento pa niya, “Ako, sabi ko, ‘sige upo muna ako’ and my friend, my friend sat beside me and I didn’t know na-picturan and na-videohan kami.”
Nasa Malinao Bridge si Cassy at kaibigang foreigner nang maispatan at ma-videohan sila.
“And then eventually it was blown out of proportion na jowa ko siya or something, and honestly we just laughed about it kasi he’s just my friend,” dagdag pa ni Cassy.
Kasunod ng kanyang paglilinaw sa koneksyon sa “afam” ay ang kanyang kumpirmasyon na single siya sa ngayon.
Nakatakdang mapanood si Cassy sa upcoming series na “Whispers from Heaven”.
The post Cassy Legaspi nagsalita tungkol sa kasamang afam sa Siargao appeared first on Bandera.
Article origin: https://bandera.inquirer.net/447413/cassy-legaspi-nagsalita-tungkol-sa-kasamang-afam-sa-siargao
Original author: aarceo
