INUTUSAN ng House of Representatives si Quezon City 4th District Rep. Jesus “Bong” Suntay na mag-public apology sa actress-TV host na si Anne Curtis.
Ito’y may kaugnayan sa naging pahayag ng kongresista noong March 3 sa House Committee on Justice hearing kung saan nadamay ang pangalan ng Kapamilya star.
Ginamit kasi niyang halimbawa ang pag-i-imagine kay Anne nang magsalita siya sa pagtalakay ng komite sa ikatlong impeachment complaint laban kay Vice President Sara Duterte.
Aniya, wala raw political destabilization o sedition nang sabihin ni VP Sara Duterte na siya ay isang “designated survivor”.
“You know, ‘yung statement being the ‘designated survivor,’ it’s not illegal, it’s not criminal. In fact, it’s a process in the United States.
“Mere utterance na I’m designating myself… in fact, hindi nga pwede ‘yon, eh. Can you designate yourself without a process Sinabi lang niya ‘yon, siguro nagpapatawa lang siya,” paliwanag ni Suntay.
“Alam niyo minsan, nakita ko si Anne Curtis, ang ganda-ganda pala niya. You know, may desire sa loob ko na, nag-init talaga, na-imagine ko na lang kung ano’ng pwedeng mangyari pero siyempre hanggang imagination na lang ‘yon.
“Pero ‘di naman siguro ako pwedeng kasuhan kung ano ang na-imagine ko eh,” ang pahayag ng kongresista.
Sa botong 263-8-6, inatasan nga ng Mababang Kapulungan si Suntay na mag-issue ng public apology kay Anne, mag-voluntary community service at sumailalim sa gender sensitivity seminar.
Ayon kay 4Ps Party-list Rep. JC Abalos na siyang gumawa ng report, guilty si Suntay sa “disorderly behavior and conduct unbecoming of a member of Congress”.
“The Committee recommends that representative Suntay be penalized to disciplinary action in the form of a reprimand under Section 52(b)(2), Rule IX of the Committee Rules,” ayon sa chairperson ng Committee on Ethics and Privileges.
“Render voluntary community service, undergo a gender sensitivity seminar organized by the House Committee on Women and Gender Equality, and issue a public apology to Ms. Anne Curtis-Smith and all women in a statement to be read before television or broadcast media,” sabi pa sa report.
The post Bong Suntay kinastigo, inutusang mag-public apology kay Anne Curtis appeared first on Bandera.
Article origin: https://bandera.inquirer.net/447272/bong-suntay-kinastigo-inutusang-mag-public-apology-kay-anne-curtis
Original author: pdelrosario
