KUNG magkakadyowa man daw uli ang Kapuso Primetime Drama Princess na si Barbie Forteza, gusto niyang ito na ang kanyang magiging “forever.”
Mula nang inanunsyo ni Barbie na hiwalay na sila ng kapwa Kapuso star na si Jak Roberto noong January, 2025, ay nananatili pa rin siyang single until now.
Ayon sa award-winning actress, mas gusto niyang ipagpatuloy ang pagbibigay importansya at priority sa kanyang sarili at showbiz career, pati na rin sa kanyang pamilya.
“Hindi ko pa iniisip or hindi ko pa hinihiling na magmahal uli ng iba kasi gusto ko munang ibuhos yung lahat ng pagmamahal ko sarili ko,” ang pahayag ni Barbie sa “24 Oras”.
Patuloy pa niya,“I don’t casually date. Date to marry ang bakla. ‘Saving Cherry’ nga di ba!?”
Ang tinutukoy ni Barbie ay ang bago niyang pelikula ngayon under Regal Entertainment, ang “Saving Cherry” kung saan inilarawan niya ang karakter bilang “wildest virgin.”
“Date to marry po ako, so until I’m ready and I’m really, really sure of the person I’m gonna go out with, hindi ako makikipag-date,” sey pa ng dalaga.
Baka Bet Mo: Barbie Forteza sa Las Vegas ang dream wedding: Para may divorce!
Nauna rito, diretsahan ding sinabi ni Barbie sa mediacon ng “Saving Cherry” na dream wedding daw niya na maikasal sa Vegas.
“I wanna get married in Vegas in Vera Wang… para may divorce,” ang chika ng aktres sabay laugh nang malakas.
Sa tanong naman kung dapat pa bang bigyan ng second chance ang mga cheater sa relasyon, diretsong sagot ni Barbie, “F*ck, no! Thank you!” Na sinundan ng hiyawan at malakas na palakpakan mula sa members ng showbiz press.
Anyway, kasama ni Barbie sa “Saving Cherry” sina Khalil Ramos, Mikee Quintos, Mika Salamanca, Sassa Gurl, AC Bonifacio at JC Alcantara.
Showing na sa September 2 ang latest offering ng Regal Entertainment sa mga sinehan nationwide.
The post Barbie Forteza sa mga cheater na hihingi ng second chance: ‘F*ck, no!’ appeared first on Bandera.
Article origin: https://bandera.inquirer.net/451965/barbie-forteza-sa-mga-cheater-na-hihingi-ng-second-chance-fck-no
Original author: pdelrosario
