HINDI napigilan ng award-winning Kapamilya actress na si Anne Curtis na mapaluha nang magkuwento tungkol sa kanyang namayapang ama.
Humarap si Anne sa members ng entertaiment media kagabi, June 18, na in-organize ng kanyang Viva Entertainment family para sa kanyang 29th anniversary sa showbiz.
Nagsilbi ring thanksgiving-mediacon ang event na ginanap sa Greyhound Café, Ayala Triangle, Makati City, dahil sa mga bonggang achievements na nakamit ni Anne ngayong taon.
Kabilang na riyan ang tagumpay sa takilya ng pelikula nila ni Jericho Rosales na “The Loved One” at ang nomination ng aktres bilang Outstanding Asian Star sa 2026 Seoul International Drama Awards para sa Philippine adaptation ng hit South Korean drama na “It’s Okay to Not Be Okay.”
Bigla ngang napaiyak si Anne nang maalala ang kanyang amang si James Ernest Curtis Smith na pumanaw noong January 2, 2026, nang matanong kung ano ang palaging advice sa kanya ng Viva big boss na si Vic del Rosario.
Ayon kay Anne, literal na lumaki siya sa Viva dahil 12 years old pa lang ay nag-aartista na siya sa gabay ni Boss Vic.
“Actually, ang sinasabi lang niya sa akin, ‘Mabait ka. Lagi kang mabait,’ which is naano ko naman (nagawa). I practically grew up with Ninong Vic. Para na siyang daddy ko. And one thing he told my dad…” ayon kay Anne na nagsimula nang maiyak.
“Sorry, I just remembered my dad. I’ll never forget what he (Boss Vic) told my dad, ‘I promise, I will make your daughter into a star.’
“And my dad was eternally grateful to Boss Vic. So, sayang lang we’re gonna plan like…
“I know Ninong Vic wanted to do a contract signing kasi we’re gonna renew, even if I don’t need to renew with them kasi, obviously, my loyalty will always be with Viva.
“But it would have been a great reunion with Ninong Vic and my dad. Sadly, my dad passed earlier this year,” pahayag ng “It’s Showtime” host.
Abot-langit daw ang pasasalamat ni Anne dahil tinupad ni Boss Vic ang promise nito sa kanyang ama dahil after 29 years ay nananatili pa rin siya sa showbiz at patuloy na nakakapagpasaya ng madlang pipol.
The post Anne Curtis biglang napaiyak sa presscon nang maalala namayapang ama appeared first on Bandera.
Article origin: https://bandera.inquirer.net/448353/anne-curtis-biglang-napaiyak-sa-presscon-nang-maalala-namayapang-ama
Original author: esantiago
